Проєкция фільму «Changed by Thalerhof» в Ліґници

Кружок Стоваришыня Лемків в Ліґници сердечні просит на проєкцию фільму «Changed by Thalerhof», што в тлумачыню на лемківскій язык значыт «Перемінены през Талергоф».  Стріча одбуде ся 21. червця т.р., в садибі Кружка СЛ, при ул. Зофіі Коссак 6 в Ліґници. Початок од 16.00 год. Вступне дармо.

По проєкциі орґанізаторы заохочают взяти участ в свобідній бесіді на тему фільму, думок розвитку лемківской достоменности, языка і культуры.

Не дайте ся просити!

Премєра фільму мала місце, 7. марця 2015 рока, о 13.30 год. (за місцевым часом) в Wayne Public Library в ЗША і о 15.00 год. (за лемківскым часом) в Рускій Бурсі в Ґорлицях. Авторами фільму сут Джон Ріґетті і Мария Сільвестрі. Рецензию з премеєры в РБ найдете за тым мотузком. «Перемінены през Талергоф» то фільм, котрий є присвячений 100. річниці сотворіня першого в Европі концетрацийного лаґру. Двадцет сім років перед Аушвіц створено лаґєр Талергоф. Першыма людми, котрых інтернували в тым лаґрі, был нарід з пілнічно-східніх реґіонів Австро-Мадярского Цисарства – Карпаторусины. В фільмі маме змогу видіти знаны персоны, науковців, котры наштоден занимают ся русиньскыма справами.

«Хоц може ся видіти, же тот документальний фільм є темрявий, то направду є оповіданьом о народі, котрий хоц был здесяткуваний, то одродил ся і дале, аж і тепер не мат заміру переминути» – бесідує Мария Сільвестрі, копродуцент фільму. Веце інформаций про зміст і ідею створіня оного фільму найдете на нашым портали, клікаючы в сес мотузок.

Можете одвидіти тіж ґамбокнижковий фанпейдж фільму і офіцияльний інтернетовий сайт фільму.