Проґрам Театру Александра Духновіча в Пряшові на місяць октобер 2015

7-го октобра 2015

Ковалі (Велика сцена, 19.00 год.)

Пєса сербского автора Мілоша Ніколіча є абсурднов, місцями терьпков комедійов, котра вас заведе до ковальской ділні, десь в Німецьку. В ній ся десяткы років по войні стрічають трьоми ковалі, бывшы вояци, котры вдяка „службі отцюзнині“ проплели свої долі і свої роды. Каждый забеспечів свого потомка і наслідника свойой кузні. Но як раз тота реалность їх по роках дожене до безнадії і выжадать собі їх стрічу. Но кому властно іщі потрібны ковалі і їх кузні? Чекать на вас много запліток і розузлінь.

14-го октобра 2015

Бетярькы (Велика сцена, 19.00 год.)

Пінязі владнуть світу… Здобыти ся дадуть нелем досправдовов роботов, але і участьов в різных конкурзах ці „reality show“. О єднім із такых способів вырішають і дві молоды україньскы дівкы. Тоты реаґують на повідомліня америцькой міліонарькы, котра вырішыла подаровати цілый маєток найсімпатічнішій лесбійскій парі бывшого СССР. Сітуація ся комплікує, кідь Америчанка, походжіньом таксамо Українка, прийде на Україну… Пєса Бетярькы сучасной україньской авторкы Наталії Уваров є повна неочекованых переломів, комічных сітуацій і несподіваного кінця.

23-го октобра 2015

„Сезон полюваня на мисливця“ (премєра, Велика сцена, 19.00 год., пєса є в україньскім языку)

Каждый, хто ся намагать одкрыти двері до чуджого жывота, ріскує, же за тыма дверями зістане навсе. Фотокорешпондетка популарного журналу вырішыла зничіти таємный світ чуджой таємніці. Но не зничіть тота таємніця світ самой дівкы? Одповідь на тото звіданя – то путь смішных і несподіваных перетворінь, котрыма перейде геройка, жебы наконець зрозуміла ціну польованя на радість…

28-го октобра 2015

„Сезон полюваня на мисливця“ (2-га премєра, Велика сцена, 19.00 год., пєса є в україньскім языку)

Выступліня Театру Александра Духновіча мімо Пряшів:

4-го октобра Спросины, Медвідь, Културный дім Стебник, 15.00 год.

6-го октобра Кідь бы пришов, Културный дім Стара Любовня, 10.00 год.

9-го октобра Спросины, Медвідь, Културный дім Вышній Тварожець, 17.00 год.

10-го октобра Гавай, Културный дім Рокитівці, 17.00 год.

11-го октобра Спросины, Медвідь, Културный дім Сташківці, 14.00 год.

15-го октобра Бетярькы, Културный дім Снина, 18.00 год.

16-го октобра Спросины, Медвідь, Културный дім Шандал, 18.00 год.

17-го октобра Спросины, Медвідь, Културный дім Руська Кайня, 16.00 год.

18-го октобра Спросины, Медвідь, Културный дім Кечківці, 14.00 год.

24-го октобра Гавай, Културный дім Собош, 16.00 год.

28-го октобра Кідь бы пришов, Културный дім Свідник, 11.00 год.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА