Проґрам «Говорить Пряшів» – як все – середа, 20.00 год.

Вшытко ся даколи кінчыт. І так, 2016 рік ближыт ся ґу кінцьови. Щестливы як раз на днешній час можут быти юлияне, бо до Нового Рока іщы кус долше.

Дотримуваня того, што ся обіцяло, є онсовне. Добрі знают про тото редакторы двоіх русиньскых радий ЛЕМ.фм та Русин.фм. Тоты другы, каждий тыжден приносят нам свіжий проґрам з Пряшова, а тоты першы, што фунґуют на Лемковині, передаючы на цілий світ – премєру з Русин.фм дают до свого радия.

В днешнім «Говорить Пряшів», котре вызвучыт по 20.00 год. за середньолемківскым часом (міряме го на Маґурі), вартат звернути увагу на лісовы справы. В Перличці – статя з ґазеты «Неділя» – допис з 21. грудня/децембра 1941 р. про волкы на Підкрпатскій Руси. Мы ся уж боіме.

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.