Проголошыня єпархіі св. Миколая – Архієрейска Служба Божа з катедры св. Миколая в Рускым Керестурі – неділя, 15.00 год.
Запрашаме слухати пренос архієрейской Службы Божой з катедры св. Миколая в Рускым Керестурі в Сербіі.
Святочны торжества проголошыня грекокатолицкой єпархіі св. Миколая в Рускым Керестурі зачали ся в суботу, 18. мая, в конкатедральній церкви св. Петра і Павла в Новым Саді од служыня Вечырні. Очелювали єй владыка Георгій (Джуджар) з кардиналом Леонардо Сандрі, префектом Конґреґациі до справ Східніх Церков та інчыма владыками. По Вечырни зачала ся академія, на котрій была припомянута істория церковной орґанізациі грекокатоликів в Сербіі. В артистичній части выступил хор Гармонія і катедральный хор з Ужгороду.
В неділю, 19. мая, в Катедрі св. Миколая в Рускым Керестурі о 10.00 год зачала ся архієрейска Свята Літургія, котру попри спомянутых владыках служыли чысленно присутны священникы, а окрем вірных Керестурців запрошены были і вірны зо вшыткых парохій.
Дякуючы почливости редакторів і дирекциі РТС (Радия і Телевізиі Войводина) просиме выслухати пренос Божеской Літургіі з Руского Керестура в памятку проголошыня єпархіі св. Миколая.
Повязаны дописы
Ґорлиці 106,6 MHz
