Сестры Бочнєвич Project «Лемківскы варияциі»
20,00 zł
Більше як рік тому, коли зродила ся думка скомпонувати «Лемківскы Варияциі», не мріяли сме ани, же поведе ся нам награти платню разом з камеральном оркєстром, хором та солистами. То был шалений проєкт, якій початково свій фінал мал вчас маґістерского диплому Наталіі. Єднак протягом роботы на твором і концертом з помочом пришли Боґдан Ґамбаль, Демко Трохановскій, Павльо Малецкій та інчы члены Стоваришыня «Руска Бурса» в Ґорлицях. Дали нам они просте звіданя: чом не записати того твору і не послати в світ? Отже, дорогій слухачу, кєд тримаш в руках платню, то значыт, же ся нам повело. Прото тіж мусиме передати щыры подякуваня вельом особам за труд, якій вклали в роботу над твором, та особливу підтримку, яку давано нам на каждым можливым кроку.
Передовшыткым хочеме подякувати вшыткым выконавцям – тым, якы створили тоту платню, та тым, якы допомогли нам вчас дипломового концерту. Сут то: Яна Гудзовска-Кіт, Катажыня Павловска, Станіслав Квєцєнь, Януш Квєцєнь, Катажыня Бартніцка, Боґна Яскєвіч, Мая Левіцка, Марта Муравска, Александра Пшыбыла, Юстина Пустувка, Наталія Скробаня, Александра Вільк, Кароліна Бубєньчык, Вероніка Буры, Віоля Іваніцка, Марта Кієк, Пауліна Скшыпек, Філіп Баньковскі, Пшемыслав Качмарек, Марек Кварта, Матеуш Павелец, Рафал Біґотт, Бартош Роздеба, Адам Шрамскі, Антонєтта Накієро, Ева Шыдловска, Марта Роман, Александра Пєхота, Естера Бартусяк, Катажына Рыдзак, Моніка Пєтшак, Катажына Клюковска, Малґожата Бітнер, Клавдия Драпіковска, Кшыштоф Вышыньскі, Казімєж Сковроньскі, Рафал Романіч, Лукаш «Брокул» Шыманьскі, Павел Ернст, Мария Бєленінік, Ева Трач, Марцелі Ковалевскі, Ганна Можеєвска, Антоні Францішек Дубайко, Яґода Пондель, Бернард Влодарчык, Каєтана Пустельняк, Александра Ророт, Іґа Баран, Кароліна Савіцка. Дякы вашым добрым словам, заанґажуваню і вірі зрозуміли сме, же тото, што твориме, мат значыня не лем для нас.
Особливы подякуваня передати треба Декан Выділу Музычной Едукациі Академіі Мистецтва в Щеціні, пані Барбарі Галец, та властям учельні. Дякуєме за велику поміч, яком было не лем добре слово, але і діі.
Стоваришыню «Руска Бурса» в Ґорлицях дякуєме не лем за поміч в орґанізациі фінансовых середків та выданя платні, але і за віру та впертіст в досяганю ціли.
Вкінци, як все, хочеме подякувати нашым родичам, Ірені і Адамови Бочнєвичам, якы ховали нас в духу лемківской культуры та клясичной музыкы. Кєд бы не они, іх вказівкы, напрям, якій нам давно тому вказали, не творили бы сме такой музыкы.
І іщы дякуєме Тобі, дорогій слухачу, інтересуючы ся том платньом, заохочаш
нас до дальшого діяня.
Сестры Бочнєвич
