Про Карпаторусинів на Славяньскым Фестівали в Джонставн

В Джонставн (Johnestown, Pa) в ЗША 19. вересня буде проходила перша едиция Johnstown Slavic Festival, фестівалю, якій зосередити мат потомків вшыткых слявяньскых народів, якы вчас еміґраций на переломі ХІХ і ХХ століть нашли ся в Джонставн.

В 1925 році 25% жытелів міста то были Сляване. Джонставн находит ся в стані Пенсильванiя, в обшыри, в якій в тамтым часі вшыткы еміґранты нанимали ся до роботы в маєтках, пак по оселіню ся і освоіню з новом державом, основали своі церкви і костелы, соспільны клюбы, інституциі, орґанізували ся в стоваришыня ітд. Цілю Фестівалю являт ся уможливліня жытелям міста та потомкам еміґрантів вказати культуру, з якой ся выводят, етнічну спадковину предків та іх історию. Плянуваны сут едукацийны одчыты, выставы, варштаты, презентация слявяньского рукоділа, музыкы, танців, ідла та інчых. Офіцийний сайт фестівалю найдете клікаючы гев.

Єдным з прелеґентів першой едициі Johnstown Slavic Festival буде Річард Кастер – основатель Carpato-Rusyn Sоciety, публициста The New Rusyn Times, журналіста, занимат ся м.ін. історийом грекокатолицкых та православных церкви, основаных русиньскыма еміґрантами в ЗША, ґенеалоґійом Русинів, ци історийом еміґраций Русинів до ЗША.

Вчас фестівалю в Джонставн буде бесідувал про початкы русинськой еміґрациі в обшыри Джонставн, місце походжыня еміґрантів і тото, як выглядал розвиток іх культурного і реліґійного жытя уж в ЗША. Більше дрібниц найдете за мотузком.

фот. rusynsofpa.blogspot.com