Про Івана Головчака – проґрам „70 процент” – субота, 21.00 год.

На знимці Лідія Головчак тримат різбу, котру єй тато достал як дарунок од лемківскых діячів з нагоды 50-літнього ювілею. Дарунок і підпис на ним свідчат, же они направду шанували писменника. Поета з Тылича вмер не так давно ― лем в 2006 році. Але здає ся, же днеска кус забыли про Івана Головчака. Хочеме, жебы памят про него была жыва. Зато ідеме до його мешканя в Івано-Франківску, жебы побесідувати з дівком Лідом і внучком Лільом. То подте з нами!

Премєровий одтинок проґраму „70 процент” в суботу о 21.00 год., повторіня в неділю о 3.00, 9.00 та 12 год. за лемківскым часом.