Про ґазову фонтанну, про забавковы ціпы і о солдаті, котрий знал фізику ліпше од командира… – проґрам «70 процент» – субота, 20.00 год.

Мож повісти, што проґрам «70%» то не лем нормальна реляция, лем і розкішна колекция люди. Тота колекция особлива в тым, же сут ту Лемкы (але і приятелі Лемків) з цілой Украіны, ріжны-преріжны люде, і высоковчены, і просты. Вказуєме вам іх запоряд, а береме то з єдного, то з другого, то з третього кошыка, жебы было цікавше.

Днеска пришол час на Василя Фарбанця з Надвірной. Вродил ся він в Дальові в 1932 році. Жыє медже Гуцулами, не забыл лемківской бесіды, памятат рідне село. Ціле жытя пан Василь робил як механік і знал зреперувати вшытко, призначене для добываня ґазу ци ропы. При тым не раз прібувал дашто поліпшыти ци напростити і подавал дуже рацийональних пропозиций. За тото ачий мат грамоту од самого міністра. А мы даєме вам лем єдну рацийональну пропозицию ― послухати в суботній вечер нашу просту і щыру бесіду.