Презентация робіт «Варгольового» конкурсу для діти / ґалерия прац

Вчас другого дня ХХХІІ Лемківксой Творчой Осени были оголошены результаты плястичного конкурсу «Енді Варголь в моім селі», орґанізуваного Стоваришыньом «Руска Бурса» в Ґорлицях. Чысленні надосланы роботы – аж 90, оцінювало 4-особове жырі, котре ствердило, што рівен робіт был барз высокій.

Початком вересня/септембра был оголошеный плястичный конкурс для діти, в рамках котрого задачом было намалювати роботу інспірувану творчістю Енді Варголя. Додатково – рисунок мал представити сельскє жытя подля свобідной інтерпретациі. Креативніст діти была превелика, а реализация робіт розмаіта – од портретів мазаками, фарбами, через мішану техніку зо сценками з робіт, ґратя по представліня попартовых звірят.

Результаты конкурсу «Енді Варголь в моім селі»

Жырі в складі: Анджей Жыґадло, Домініка Цєпляк, Каміль Федериґа і Михал Шымко не мало легкой задачы. Роботы оцінювали анонімово (знали лем номер роботы), в трьох катеґориях.

В наймолодшій катеґориі, до 8 років, І місце здобыл Михал Криницкій з Ліщын, ІІ місце Амелия Ґєлбаґа, третє – Лена Сокул, обі учениці з Высовы.

Жырі признало тіж цілый шор выріжнінь: Семан Фудаля (Ґорлиці), Мая Гутиряк (Бодакы), Матвій Кузяк (Бодакы), Филип Зайонц (Устя Рускє), Рената Влодарчык (Устя Рускє), Настка Бортничак (Снітниця), Семан Кащак (Ґладышів), Михал Филь (Снітниця).

В старшій катеґориі, од 9 до 11 років, І місце заняла Мария Суховацка з Ґладышова, ІІ місце Антоніна Свьонтковска з Крениці, зас третє – Мартин Рутковскій з Высовы.

ІІ місце: Антоніна Свьонтковска, Крениця

Выріжнены: Югаска Суховацка (Ґладышів), Зузанна Тацин (Ґладышів), Ігор Кузяк (Бодакы), Осиф Бодак (Бодакы), Татияна Чухта (Высова), Лена Круль (Баниця), Софія Рутковска (Высова).

В найстаршій катеґориі, од 12 до 14 років, жырі найвыже оцінило роботу Софіі Пах з Ґладышова, ІІ місце заняла Марцеліна Баня зо Снітниці, а третє: Мария Чухта з Высовы.