Пренос Божеской Літургіі з церкви Св. Михала Архангела в Пшемкові – неділя, 15.00 год.

В імени пароха отця митрата Ігоря Поповича просиме слухати в неділю, 3. січня/януара 2021 р., о 15.00 год. пренос Божеской Літургіі з церкви св. Михала Архангела в Пшемкові на Нижнім Шлеску.

Отец митрат Ігор Попович є гын уж більше як сорок років. Пришол на парохію в 1979 р. як шестый парох од основаня православной парохіі в Пшемкові.

Парохія была основана на заході Польщы два рокы по акциі «Вісла», в серпни/авґусті 1949 рока. Прихожане од самого єй початку на потребы православной літургіі хоснуют поєвангелицкій костел з тринадцетого столітя, якій был будуваный в бароково-неоґотицкым стили.

Цілу Літургію почуєте в радию Руской Бурсы на частотах: 106.6 МГз в Ґорлицях, 103.8 МГз в Польковицях i в цілым світі онляйн на www.lem.fm.