Праздник св. Максима в Ґорлицях

В днях 5. і 6. вересня т.р., в Ґорлицях одбудут ся торжественны богослужыня з нагоды праздника священномученика Максима Ґорлицкого, котры пройдут в православній церкви Святой Тройці в Ґорлицах, яка находит ся при ул. св. Максима Ґорлицкого.

Ґорлицкій кєрмеш зачне ся в суботу (5.09) о 18.00 год. Всеночном. Недільны молитвы (6.09) пройдут од 8.30 год. Акафистом перед мощами св. Максима, пак, по привитаню владык, о 10.00 год. зачне ся  архієрейска Божеска Літургія.

Веце інформаций долов на залученым афішы.

Отец Максим Сандович был розстріляний австрийскым ротмістром перед ґорлицкым судом в 1914 р. Коли вмерал мал выповісти: Най жыє Рускій Нарід/Свята Русь і Святе Православя. В 80. річницю смерти канонізуваний Польском Автокефальном Православном Церквю як “Мученик за Віру”, але Лемкы зачали вішати в хыжах знимкы о. Максима посеред ікон такой одраз по його смерти, што вказує на розвиток його культу на долго до канонізациі.