Посіджыня Світовой Рады Русинів в Будапешті

Днес 1 мая 2014 р. в Будапешті і Пілішсенткерст на Мадярах одбуде ся посіджыня Світовой Рады Русинів/Руснаків/Лемків, попри одбуде ся тіж зобраня Комисиї про історию.

Серед проблемів, про котры будут радити членове рады буде – запознаня ся з актуальном ситуацийом і обставинами медже Русинами на Підкарпатю, в Украіні, дале про працю основаного в тім році Інституту Русинистыкы на Сеґединьскым університеті.

Во денным порядку буде розсмотріня тексту петициі Конґресу о проголошыня Акциї Вісла в Польщы за нєзаконну. Будут номінуваны сталы члены комісий Світового Конґресу РРЛ, а медже іншыма, будзе принятий спосіб аплікациі і модель реалізуваня през раду плануваных проєктів в 2014 році. 

Попри догваркы о реалізуваню принятых през ХІІ Конґрес РРЛ постулятів, през історичну комісию буде бесіда о праці над зреалізуваныма двома проєктами – “Коляди при РРЛ” і “Історичны даты РРЛ”. Комисия мала бы тіж рішыти про то котрому ювілейови, буде посвячений наступний світовий конґрес.