Порядок пасхальных богослужынь в радию ЛЕМ.фм

При нагоді праздника Великодня радийо ЛЕМ.фм старат ся быти в церквах, де жыют Русины, де чытаны сут тексты літургічны тексты в русиньскым языку. То нагода для тых, што з ріжных причын не можут особисто прити до церкви і свойом участю в службах святкувати Праздник Праздників.

Як каждый рік, так і тепер принесеме Вам трансмісиі нажыво і ретрансмісиі з церкви на Лемковині і Пряшівскій Руси, а з мобільным студийом завандруєме аж і на західні землі Польщы.

Порядок трансмісий зачнеме около пілночы з суботы на неділю в Креници, де з православной церкви св. Владиміра Великого будеме высылати НАЖЫВО воскресну Утреню, а пак, по одспіваню пасхальных часів, зачне ся Свята Літургія. Богослужыня в Креници буде служыл о. митрат Петро Пупчык. Співал буде місцевый парохіяльный хор під ведіньом Петра Трохановского.

Воскресну неділю будеме продолжувати ретрансмісиями. Найперше, о 9.30 год. заплянували сме ретрансмісию пасхальной св. Літургіі з грекокатолицкой церкви св. Петра і Павла в Камюнці, котрю вюл о. Франтішек Крайняк, тлумач богослужебных текстів на русиньскій язык. Дальше, о 11.30 год., повториме нічну Божеску Літургію з церкви в Креници.

В Пасхальный Понедільок пянуєме піти з мобільным студийом до дакотрой церкви на заході Польщы, о чым іщы поінформуєме в дальшых анонсах.

Запрашаме вшыткых слухати радийо ЛЕМ.фм на Велидкен!

Хростос Воскрес! Воістину Воскрес!

Неділя 28.04.2019:

0.00 год. – Утреня і Божеска Літургія з православной церкви в Креници – трансмісия НАЖЫВО

9.30 год. – Божеска Літургія з грекокатолицкой церкви в Камюнці – ретрансмісия

11.30 год – Божеска Літургія з православной церкви в Креници – ретрансмісия