Політыка в 1913 році

ЛЕМКО – народный еженедѣлникъ на лемковскомъ говорѣ – в ч. #1 за 1912 р., котре вказало ся по цілій Лемковині в пятницю 11. січня (януара) 1913 р. (тото самособом уж єст незлом новинарском головоламком), напечатаний єст долгій допис Ваня Гунянкы п.н. “Рідна бесіда”.

Текст єст дост долгій і кінчыт ся поучыньом, котре є списане в двох пунктах. Перше не приводиме, бо могло бы быти днес опачні одобране. А другому як вшыткому, што лемківскє на нашым портали, причынят ся заєдно актуальности. І най тота квестия буде головным політычным постулятом на тот рік до зреалізуваня тыма, котры мриют о єдности серед Лемків.

Кого інтересує зміст першого пункту, запрашам до писаня до редакциі. Адрес незмінний – Лемко – ґазета для карпаторусиньскаго народа – Ґорлиці.