Початок шкільного рока в Рускій Бурсі
Як каждий рік, Стоваришыня Руска Бурса хоче святочні зачати разом зо вшыткыма учениками лемківского языка наступний шкільний рік. Для школярів зрыхтуваны сут конкурсы, забавы і варштаты та малий почастунок, жебы кус легше было ім вернути до шкільного риґору.
Початок і конец шкільного рока для учеників лемківского языка, то циклічны бурсяны подіі, посвячены для тых діти і молодежы, котры берут на своі плечы додатковы, необовязковы лекциі, бо сут свідомы (подібні як і родиче, якы зголашают участ діти в занятах) вартости, яка плыне з вчыня ся рідного языка і розуміют, як важным єст знаня го не лем в бесідуваній, але тіж писаній версиі. Вчас лекций з лемківского языка познают тіж історию і богатство культуры свого Народу в ріжных єй аспектах.
Раз іщы запрашаме вшыткы діти, а особливо тоты, до котрых, коли могло бы ся так трафити, інформация од іх учытелів лемківского языка не дотерла, на 3. жолтня (октобра) на 14.00 годину. І хоц то подія направлена головні на школярів з Лемковины, то коли в околици были бы даякы ученикы з інчых обшырів де вчыт ся лемківского языка, то – очывидні – вшыткы сте сердечні прошены до Бурсы.
Повязаны дописы
Ґорлиці 106,6 MHz
