Початок Филипівкы

Днес, 28. листопада (15. листопада за ст. ст.), православны  і грекокатоликы зачынают різдвяний піст (Филипів піст, або найшырше серед Русинів популярна назва – Филипівка), котрий все свій початок мат ден по празднику св. апостола Филипа і тырват 40 дни – споминаючы Мойсея, котрий, перед отриманьом Божых заповіди на синайскій горі, постил 40 дни. Филипівка кінчыт ся 6. січня (24. грудня), ден до великого праздника Різдва Христового, коли выпадат Велия.

Филипів піст, котрого записаны свідоцтва сігают IV столітя, тырвал спочатку 7 і більше дни (залежні од реґіону). Од локального собору в 1166 р., за часів константинопольского патріархы Лукы, Филипівка, як і Великій піст, тырват сорок дни.

Різдвяний піст для православных і грекокатолицкых вірных, котры ідут за новым стильом, зачал ся 15. листопада, а скінчыт – 24. грудня.