І по выборах ака «На выборы! #3» – Напілперек (сезон 5) нажыво – понедільок, 20.00 год.

Тоты, што нас заєдно чуют і слухают, фурт нас просили і молиґали. Мы заєдно на іх мйолиґаня і прошыня одказували і одрікали ся, а тоты, видячы наш одказуваня і одріканя ся надале домагали ся привернути каждотыжньовый проґрам, што бы го мож циклично высылати – каждый тыжден з інчым змістом.

Раіли нам, як оне зробити, хоц не хотівшы наоборот кота вытігати, по просьбах і погорожыню аж і сме ся дотерли, жебы – з причыны повагы справы – уступити.

Маме рік выборів, або выборчый рік – як кому ліпше. Першый квартал был міцно з тым повязаный, бо выборча аґітация охопила нас вокруг. Але – так як в футбольовых змаганях грают дві команды і все выгрывают Німці – то в части Европы яка на схід од нас, по першым кварталі наступил девятдесят пятый. Но-ле посмотрме і підсумуйме, ґу чому нас нашы выборы ведут.

Просиме на 20.00 год. в понедільок, 6. мая/мая 2019 рока. Нажыво – лем в радию ЛЕМ.фм!