Пляц Енді Варголя в селі Минай на Підкарпатскій Руси

Днес, 8. квітня/апріля т.р., рішыньом Головы Областной Рады Закарпатской Области – Генадійом Москальом, были змінены назвы семох улиц і єдногo пляцу в пятьох населеных пунктах Виноградівского, Іршавского, Мукачівского, Тячівского та Ужгородского районів.

Реченым пляцом, котрому змінено назву є бывший уж Жовтньовий пляц в селі Минай, котрий од днес буде мал назву пляцу Енді Варголя. Зміна назв адміністрацийных топонімів є ведена в рамках загальнодержавной декомунізациі.

Село Минай находит ся в Ужгородскым районі Закарпатской Области. В писаных джерелах з XIII-XV ст. село знане было під назвом Нінай. Од XVI ст. являт ся нова назва – Минай, котра выперла первістну назву. В другій половині XVIII ст. в селі находили ся два храмы — кальвіньскій костел та грекокатолицка церков, што засвідчат про давне прожываня попри собі і Русинів, і Мадярів.

Енді Варгол то король поп-арту русиньского походжыня (*6. серпня/авґyста 1928, Пітсбурґ – +22. лютого/фебруара 1987, Ню Йорк), котрого родиче еміґрували до Зъєднаных Штатів Америкы з русиньского села Микова на Пряшівсій Руси початком ХХ ст. Більше про особу того выдатного артисты – чытайте за тым мотузком.