Пісні незабытого краю (перша част) – 70 процент – субота, 20.00 год.
На знимці – част ансамблю “Веселі гудаки” з Тернопільской области. Діти рыхтуют ся до выступу, зас повтаряют дві співанкы, з якыма выйдут зараз на сцену. І зас – выступлят пречудово!
Зразковий аматорскій ансамбль народной музыкы Бучацкого районного будинку культуры “Веселі гудаки” не раз уж был ту, в Городку, на фестівали “Пісні незабутого краю”. Был, але… не тот! В тым ансамбли все склад ся змінят, бо фурт підрастают дівочкы і хлопці – новы гудакы і співакы.
Не знам, кілько медже нима Лемків, але все мают лемківскій репертуар. Але ци лем Лемкы мают выконувати лемківскы співанкы? На 13. фестівали-конкурсі в Городку барз дуже артистів, што танцували і співали по лемківскы, не мали до Лемків жадных однесінь. Лемківскє робит ся модне? Але часто модне – то і поверхове, короткочасове, неглубокє… А Вы як думате? Напиште мі, дорогы слухачы. Мі буде цікаво.
Повязаны дописы
Ґорлиці 106,6 MHz
