Пісні до “Ружовой заградкы” уж выбраны

Як інформує русиньска пресова аґенция Рутенпрес, конкурсова комісия выбрала уж 16 новых авторскых творів, котры будут стартувати в конкурсі “Ружова заградка”. То уж 25. ювілейна едиция Фестівалю Новой Русиньской Народной Співанкы “Ружова заградка”, котрий тішыт ся великом популярністю посеред Бачваньскых Русинів, а предовшыткым любит ся творцям новых текстів і пісен.

До тогорічного фестівалю, котрий одбуде ся 1. марця в Новым Саді, зголошеных было аж 29 пісен, спосеред котрых конкурсова комісия мусіла выбрати лем передвидженых в реґуляміні 16 пісен.

Конкурсовы пісні буде оцінювало жырі, котре выбере творы з найліпшым текстом, інтерпретацийом і аранжацийом. Функцию жырі выполнят тіж люде присутны на фестівали, признаючы нагороду публикы.

Інфо за аґенцийом Рутенпрес.