Переход Вубля – Малый Березный в обмедженім режімі

На гранічнім переході Вубля – Малый Березный буде од понеділька 10-го юна 2024-го року до одкликаня обмедженый режім. Як інформує аґентура TASR, причінов є реалізація робот, котры суть повязаны із запроваджіньом Entry/Exit сістемы.

„Іде о нову цілоевропску інформачну сістему зниманя біометрії твари і штирьох одпечаток перстів в припаді гражданів третіх країн, котров вычерять ся сучасне мануалне означованя паспортів печатков,“ повіла говоркыня Цолного уряду в Михалівцях Яна Німріхтерова.

Почас робот буде ход перерваный лем в єднім напрямі. Процес выбавліня людей, котры хотять перейти граніцю в данім гранічнім переході, буде одклоненый, і фунґуюча смуга драгы про вступ на теріторію Словацькой републікы і выступ із Словакії буде вызначена дочасным значіньом.

„Шоферів, біціґлістів і пішых путуючіх жадаме о векшу увагу при переходжіню державной граніці і дотримованя дочасного значіня, як і наряджінь членів фінанчной справы і поліції в службі,“ доповнила Німріхтерова.

З причіны реалізації споминаных робот може продовжыти ся час чеканя на гранічнім переході з Українов.