Перегляд Колядничых Ґруп в Рускій Бурсі

Стоваришыня Руска Бурса сердечні просит на Перегляд Колядничых Ґруп 26 січня 2014 рока, на 15 годину до Руской Бурсы в Ґорлицях.

Є уж долголітньом традыцийом тото, же што рока стрічаме ся в Рускій Бурсі по Різдвяных Святах, жебы пообзерати молодых школярів лемківского языка во святочным різдвяным репертуарі. Є іщы долшом традыцийом тото, же такы вертепы рыхтувано колиси перед святами практычні в каждым лемківскым селі. Театральну ґрупу провадил учытель-єґомост, часом зо женом, або просто учытель. Передставлінь в перетязі рока было вельо, але обовязковым был тот святочний выступ.

Стоваришыня Руска Бурса продолжат тот звычай, за то уж од вельох років орґанізує Перегляд Колядничых Ґруп і запрашат до ся учытелів лемківского языка з терену – з іх учениками.

На днешній ден лемківского на Лемковині вчат:

Варвара Дуць (абсольвентка лемківской філолоґіі), o. Роман Дубец, Мірослава Дубец, Анна Дыльонґ, Орина Гутыряк (абсольвентка лемківской філолоґіі), Анна Рыдзанич (абсольвентка лемківской філолоґіі) і о. Петро Пупчык.

Того рока запрошыня приняли учытеле з дітми зо шкіл:
– з Ґладышова і Устя Ґролицкого (зрыхтувани перез учытельку п. Варвару Дуць)
– з Ганчовы, Высовы і Банциі (зрыхтувани перез учытельку п. Анну Рыдзанич)
– з Ганчовы  (зрыхтувани перез учытельку п. Анну Дыльонґ)

Додатково, в звязку з тым, же традыция колядуваня є цілий час жыва в тых селах, выступит тіж коляднича ґрупа з Ґладышова і Устя Ґорлицкого, зрыхтувана перез Мiрка Пелехача.

В імени орґанізаторів барз сердечні просиме!

Позерайте як выглядало колядуваня в минулых роках:

Колядываня 2012
Колядуваня 2011
Колядуваня 2009