Павльо з Колорадо в Рускій Бурсі – Боіско #69 – понедільок, 20.00 год.

І зас вынятково, хоц зас не по лемківскы – але буде цікаво. В Квітну Неділю, в часі традицийного малюваня яєц, до Руской Бурсы пришол гіст. Молодий чловек з Америкы, котрий глядат своіх коренів, а в своій спонтанічній прогульці трафил тіж на наше радийо. Запрашам до послуханя, як вельо річы може ся трафити принагідні і чом часом вартат зробити дашто шаленого і просто іти за серцьом.

Такых історий єст більше. Люде, розшмарены по цілым світі, глядают свойой істориі і вартат ім в тым помочы, а передовшытким діяти так, жебы тота істория мала дальше продолжыня і не станула в місци.

Проґрам Боіско премєра в понедільок 6. квітня о 20.00 год, повторіня о 2.00, 8.00 та 14.00 наступного дня.

Як то в лемківскым боіску – вшытко єст. Але як дашто порядне, потрібне найти, то уступ ся земльо. Кус поважні, часом ні, про тото, што ся гев, або гын, діє. Будеме чути. В боіску сідит Павльо і не лем. Павло ря(а)дит.