Памяти Богдана Ґамбаля. Молитва в четверту річницю смерти

Того рока выпадат четверта річниця смерти Богдана Ґамбаля (1965-2020), выдатного лемківского діяча, реактиватора ґорлицкой Руской Бурсы і основателя першого лемківского радия ЛЕМ.фм.

Хочеме, традицийні уж, молитовно спомнути нашого приятеля, ідейового товариша вельох люди одданых нашій справі, щырого і доброго чловека.

В суботу, 6 липця/юлия 2024 р., о 11.00 год. просиме до участи в молитвах за душу Усопшого, якы будут правлены в місци близкым каждому з нас – в каплици на Святій Горі Явір над Высовом. Богослужыня очелит грекокатолицкій священник о. Ярослав Чухта. Служены будут Божеска Літургія, пак Панахіда.