Отец Іван Репела о Різдві ― давно, днес, в будучности… – 70 процент – субота, 20.00 год.

Святу вечерю зачынали з ябка. Зрозуміле, чом так было: з ябка вшытко ся зачало, ябком спокусил Єву в раю змый, за ябко неслухнячы першы люде были выгнаны з раю… Потім, жебы не стало ся так, як з Адамом і Євом, брали барз помічний лік, а і міцний одстрашувач нечыстой силы ― чеснок. А товды уж прібували вшытко, што было зрыхтуване на Велию…

Отец Іван Репела більшу част жытя робил в аптыці, пак был рукоположений і служыл тайно як священик. Днеска єст парохом в церкви Святой Параскєвы в Івано-Франківску. Священник оповідат о своіх Різдвяных Святах: як то ся святкувало вчас радянской влады потихы, тайно, як першыраз Різдво стало ся явным, леґальным, загальным святом, чым ріжнит ся Різдво на Святій Земли і як ся святкувало оно в родині, в селі Тарновиця, де замешкало дуже Лемків…