«Осін в скансені. Погіряньскій Фестіваль Ремесла» уж неодолга!

7. жолтня/октобра 2018 р. в Скансені Погіряньского Села в Шымбарку пройде пленерова акция «Осін в скансені. Погіряньскій Фестіваль Ремесла».

Од 9.00 год. буде мож видіти недавно одкрыту выставу «Давне народне ремесло на Погірю», взяти участ в показах плетіня та колодійства. Охочы будут мочы поіздити на кони на лонжы, взяти участ в варштатах вырабляня ґліцериновых мыдел і малюваня еколоґічных тореб та спрібувати реґіональной кухні.

Протягом подіі пройдут торг старых річы, выробів ручной роботы і еколоґічного ідла та концерты народных і фольковых ансамблів: участників проґраму Міністерства Культуры і Нацийональной Спадковины «Мастер Традициі – Ян Маліш», лемківского фолькового колективу Ручай та ґрупы Поляны з Кобылянкы.