Оріхове масло на Святий Вечер? – „70 процент”, субота 21.00 год.

Днес в „70%” нашым гостьом єст пані Пелагія Феш з Крампной. Вродила ся там в 1921 році, а тепер мешкат в місточку Долина Івано-Франківской области. Пані Пелагія є барз актывна, а і нихто бы не дал єй тілько років, кілько мат… Не потрібує навет жадной фарбы до волося, бо і так прекрасні выглядат. Днешня бесіда єст для ня абсолютном несподіванком, бо заплануване было штоси інче. Але… стало ся так, же пані Пазя приіхала якраз таксівком – і так трафила до днешньой едициі. Оповіла, чом сыпали зерно курам на Святий Вечер в обруч, чом на Велию іли оріхове масло і інчы річы…

Премєровий одтинок проґраму  „70%” в суботу 17. січня о 21.00 год., повторіня 18. січня о 3.00 і 9.00 за лемківскым часом