Од заране в Сербіі буде проходила «Костельникова Осін»

Заран, т.є. 6. листопада/новембра, зачынат ся 22. Культурний Фестіваль під назвом Костельникова Осін, котрий буде тырвал аж до 22. листопада/новембра.

Проґрам Костельниковой Осени зачне ся заран в школі «Петро Кузмяк» в Рускым Керестурі (Сербія) од презентациі новых творів Ірины Гарди Ковачевич, Меланіі Рымар, Агнеты Бучко Папгаргай, Владиміра Бесермині, Миколы Шанты, Асі Папуґы і Ксеніі Лікар.

Окрем того, в другій части дня буде проходил перший (спосеред більше заплянуваных) літературно-музычний вечер. Заранішній зачне ся о 18.30 год. в керестурскым Ресторані, а присутны будут мати нагоду зазнаємити ся з сербскым писменником Светиславом Басаром.

7. листопада/новембра в Рускым Керестурі буде проходила презентация премєрового музычного кружка Керестурскы штырі дзвоны, а пак в керестурскым Домі Культуры буде мож выслухати концерт Суботицкой Тамбуровой Оркєстры. Попри тых подіях презентуваны будут тіж новы русиньскы выдавництва, а тіж творы Гавриіла Костельника.

Три подіі 22. Культурного Фестівалю Костельникова Осін будут проходити в Коцурі. Єдна з них 14. листопада одбуде ся в етно-клюбі «Одняте од забытя», того самого дня літературно-музычний вечер буде проходил в Дюрдьові.

Стріча рецитаторів одбуде ся 21. листопада/новембра в Кули, а на наступний ден в Рускым Керестурі Костельникова Осін ся закінчыт мультімедияльным показом молодых Дньовка.