Обзерач Природы #9 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 13. листопада/новембра 2020 р., о год. 13.00. «Обзерач Природы» то пропозиция для любителів природы, лісовых звірят, вандрівок в незнане.

Коли Вас остатньо боліла голова? А были сте товды іщы барже нервовы як нормальні? Не думали сте, же може так ся діє з причыны фенового вітру, котрый дує в карпатскых (і не лем) горах? Як раз про найпопулярнійшый вітер в Польщы буде бесіда в найблизшым одтинку «Обзерача Природы». Дознаме ся, коли і де докладні він дує, якы ґеоґрафічны і метеоролоґічны условія мусят быти, жебы він возникнул, і якє влияня має на місцевый климат. Перед нами листопад/новембер і груден/децембер – берте своі шапкы і хоронте ся перед гальным! І конечні слухайте проґрам!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.