Обзерач Природы #69 – пятниця, 13.00 год.

Лемковина од парудесятьох років може гордити ся своім озером, якым єст резервуар Климківка в ґміні Устя Рускє.

Найновшый одтинок Обзерача Природы буде посвяченый як раз тому вынятковому озеру, якє возникло через збудуваня запоры на ріці Ропа.

В проґрамі призриме ся технічным параметрам резервуару, його істориі, як тіж познаме темнійшы стороны озера. Вказує ся, же рівен воды сильні залежыт од кількости опадів дощу, а того в 2024 році вельо не было. Як тепер выглядат Климківскє Озеро і яка його будучніст? 

На прогульку берегом бескідского запорового озера прошу в найблизшу пятницю 3. січня/януара 2025 рока, о 13.00 год. Одтинок буде повтаряный в суботу, 4. січня/януара о 7.00 год. і в віторок 7. січня/януара о год. 15.15. До стрічы на (радийовым) шляку!

джерело знимкы: Kgbo, Wikimedia Commons, CC BY-SA 4.0