Обзерач Природы #68 – пятниця, 13.00 год.

Захід Польщы тіж може вказати ся красный. Переконаме ся о тым в найблизшым одтинку Обзерача Природы, коли то возму вас на екскурсию в околиці Пшемкова. Находит ся там великій комплекс озер называный Пшемківскыма Ставами. Мож бы подумати, же неє там нич інтересуючого до експлорациі. Нич барже неправдивого!

Пшемківскы Ставы сут єдным з найбільшых комплексів штучных озер в державі. Ведене єст гев рыбне господарство з карпом – рыбом, яка в вельох появлят ся на велийным столі. Кєд іде о природу, то што рока тисячы птахів выберают тот реґіон на місце, де виют своі гнізда. Быват іх така маса, же ярю і осіню дают правдиве шоу! Попри ставах находит ся видокова вєжа, з котрой потихы можеме обзерати дикє жытя птахів.

Як найти вежу і што більше робити в околицях Пшемківскых Ставів – повім вам в найблизшу пятницю, 27. грудня/децембра, о 13.00 год. Одтинок буде повтаряный в суботу, 28. грудня/децембра о 7.00 год. і в віторок 31. грудня/децембра о год. 15.15. До стрічы на (радийовым) шляку!

джерело знимкы: Mzopw, Wikimedia Commons, CC0