Обзерач Природы #65 – пятниця, 13.00 год.

Де зачынают ся Бєщады? Дакотры, думам, вказали бы, же Соліньскє Озеро ци околиці Ліска і Устрик Нижніх сут уж оточены бєщадскыма верхами. Не єст то правда! Од Санока аж по украіньску границю находит ся гірска ґрупа Саноцко-Турчаньскых Гір – дикых, незнаных і поросненых густыма лісами. В найблизшым одтинку Обзерача Природы одвидиме кусцьок той части світа.

Прошу красні на вандрівку на Орлиный Камін в околицях Санока. Буде то ідеальна пропозиця на початок пригоды з Саноцко-Турчаньскыма Горами, якы гев бывают тіж называны Солонныма Горами. Дознаме ся, якыма туристичныма шляками ходити, якы атракциі будут ждати нас по дорозі і очывидно призриме ся самій горі Орлиный Камін і скальным формациям, якы захоплюют!

Просиме слухати Обзерача Природы в найблизшу пятницю, 6. грудня/децембра, о 13.00 год. Одтинок буде повтаряный в суботу, 7. грудня/децембра о 7.00 год. і в віторок 10. грудня/децембра о год. 15.15. До стрічы на (радийовым) шляку!

джерело знимкы: приватный архів автора