Обзерач Природы #60 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 11. лютого/фебруара 2022 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Де сме не были в «Обзерачы Природы»? Очывидно в вельох місцях на Лемковині. Обзерали сме не лем природничы чудеса, але тіж туристичны атракциі, незнаны ґеоґрафічны дестинациі, ріжны культуры з цілого світа. Не были сме лем в єдным місци – в Новым Санчы! В 60. одтинку авдициі підеме на прогульку по Фальковскым Лісі, єдным з трьох найбільшых зеленых теренів на обшыри Нового Санча. Як знате тото місто лем од стороны забытків, або знате лем, де находят ся там гандльовы центры, то конечні слухайте проґрам і пошырте своі знаня про столицю Сандеччыны!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год.