Обзерач Природы #6 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 23. жолтня/октобра 2020 р., о год. 13.00. «Обзерач Природы» то пропозиция для любителів природы, лісовых звірят, вандрівок в незнане.

Шестый одтинок «Обзерача Природы» буде о зміні часовой зоны. Подумаме, чом в загалі што рока зміняме час ярю з зимового на літній і осіню з літнього на зимовый. Дознаме ся, якє влияня має тото на природу, наше функцийонуваня і економіку. В проґрамі буде тіж бесіда о будучым та о тым, «ци» і «коли» скінчыме зміняти час два разы в році. Авдиция очывидно не без причыны тыкат такой темы, бо уж скоро – вночы з найблизшой суботы на неділю, будеме зміняти вказівкы зыґаря з 3.00 на 2.00. Поспиме долше, але ясніст дня ся нам скінчыт скорше. Ци тото вшытко має іщы даякій сенс? Слухайте проґрам!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.