Обзерач Природы #59 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 4. лютого/фебруара 2022 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

В найблизшым одтинку «Обзерача Природы» поіхаме до недалекого Тылича. Не будеме смотріти на красный центр з рынком, деревяныма хыжами, католицкым костелом і лемківском церквом, але призриме ся місцевым мофетам. То гев просто з глубины Землі выдобыват ся діоксид карбону. О тылицкых мофетах знали Полякы і Лемкы уж од соток років. В часах Польской Народной Республикы власти мали плян, жебы тримати гев солодководны водоросты як ідло для космонавтів. Ци іх плян ся зреализувал? Якы сут деталі тайного «космічного проєкту» сперед десяток років? Вшыткого дознате ся в проґрамі! Слухайте о 13.00 год.

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год.