Обзерач Природы #58 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 28. січня/януара 2022 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Ґлемпінґ – тота нова форма туристикы стає ся штораз популярнійша в Польщы, цілій Европі та аж і в ЗША. Назва походит з получыня двох анґлицкых слів: glamour та camping, што означат ночуваня в шатрах з высшым стандардом. Бесідує ся, же новый тренд приспішыла пандемія і охота вельох люди, жебы проводити більше часу в контакті з природом і там, де менше другых туристів. Дознайме ся більше, чым докладні єст ґлемпінґ. Може ся вказати, же буде то інтересуюча форма, в сам раз на наш тогорічный урльоп.

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год.