Обзерач Природы #57 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 21. січня/януара 2022 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Любите іздити на лыжах? А што бы сте повіли, жебы поіхати на лыжы… до Африкы? Бесіда не о горах Атляс в Мароко, але о полудньовій Африці. Лесото – невелика держава, яка єст енклявом оточеном Республиком Полудньовой Африкы – вказує ся быти райом для любителів зимовых спортів. В горах Малоті на высоті 3050 м н.р.м. находит ся лыжный курорт АФріскі, котрый одкрытый єст каждого рока 3 зимовы місяці. Коли найліпше там поіхати і што буде ждало на місци? Слухайте конечні проґрам!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год.