Обзерач Природы #56 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 14. січня/януара 2022 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Хто не любит іздити потягом? Трудно стрітити такого чловека. В найблизшым одтинку поіхаме в велику подорож правдивым балканьскым експресом! З сербского Бельграду до чорногорского порту в Барі веде желізницьова ленія, яка выбудувана была іщы в 70. роках ХХ столітя, за Югославіі. Днес тота траса не має більшого значыня, хыбаль же для туристів, котры ждут адреналіны, яка напевно в каждого подорожника ся появит в часі ізды. Медже Бельградом а Баром переіхаме більше як 400 тунелів і іщы більше мостів (в тым найвысшый желізницьовый міст на світі)! Ціна за білет єст смішні мала, так не вартат ждати, лем треба резервувати термін, брати свобідне в роботі і іхати на Балканы!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.