Обзерач Природы #52 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 17. грудня/децембра 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Як буде выглядал світ о 10 років? Вельох бы хотіло тото знати. А як будут выглядати лісы в Польщы о 10 років? Тото уж легше передвидіти. Як раз про польскы лісы буде бесіда в найблизшым одтинку проґрамy. Призриме ся, яку докладні обшыр занимают лісы та ци іх більше ци менше за остатні рокы. Дознаме ся, як зміняют ся лісовы обшыри протягом років, і вкінци одповіме собі на звіданя, як будут ся мати лісы в Польщы о 10 років. Тема важна і заохочаме Вас конечні слухати авдицию!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.