Обзерач Природы #51 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 10. грудня/децембра 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Румунія то прекрасна держава, котрой іщы не одкрыла масова туристика. Оферує она не лем чудеса на поверхни землі, але тіж і під ньом – бесіда про копальню соли в місті Турда, котра єст єдном з найстаршых в тій части Европы (так, згаджат ся, є старша од самой підкраківской Вєлічкы). В найблизшым проґрамі будеме експлорувати підземны просторы копальні і дознаме ся про єй історию. Буде барз інтересуючо!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.