Обзерач Природы #49 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 26. листопада/новембра 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Вшыткы знают дінозавры – великы рептилиі, якы вымерли 66 мілийонів років тому. Масова іх смерт была результатом вдаріня астероіды в Землю. Як ся вказує, не была то найбільша траґедия для орґанічного світа, яка проходила на нашій плянеті. Масове пермскє вымераня сперед 252 мілийонів років было найбільшым кризисом в світі рослин і звірят. Выгынуло товды 96% морскых і 70% наземных ґатунків. Што было причыном і як проходила тота ґеолоґічна подія? Того ся дознате з днешнього проґраму.

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.