Обзерач Природы #48 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 19. листопада/новембра 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Хоц здає ся, же лем чловeк знат рахувати, то в світі рослин істнуют такы ґатункы, котры ліпше знают математичны правила як неєден ученик. В найблизшым одтинку «Обзерача Природы» призриме ся бамбусам. Тоты чудесны рослины опрацували вынятковый систем, котрый помагат ім ся боронити перед драпіжниками і інчым загорожыньом. О што докладні ходит? Слухайте уважні проґрам уж в найблизшу пятницю о 13.00 год.!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.