Обзерач Природы #41 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 1. жолтня/октобра 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Ясень звычайный, або інакше іщы званый высокым, єст красным і важным в лісовым екосистемі деревом. Як ся вказує, од парудесятьох років ціла його популяция хворіє з причыны гриба принесеного з Японіі. Ци жытя вшыткых ясенів єст уж пересуджене? Неконечні! Досліджыня науковців з Кракова принесли революцийны розвязаня, як помочы деревам в цілій Европі, котры гынут на нашых очах! Слухайте конечні проґрам, жебы дознати ся більше про нову методу лічыня ясенів.

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.