Обзерач Природы #40 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 17. вересня/септембра 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Осін ся ближыт, але іщы спомнийме на хвильку літо і вшыткы прекрасны, кольоровы квіткы, якы товды прикрашают нашы загороды. Серед вельох ґатунків, якы роснут при нашых хыжах, сут і такы, котры як уж згынут, заміняют ся в пречудны створіня. Така єст як раз левова паща, о котрій буде бесіда в найблизшым одтинку «Обзерача Природы». Росне в загородах, а часто не маме свідомости, як інтересуюча єст тота рослина і якы формы принимат в ріжных стадиях свойого жытя. Як сте запаленыма загородниками, то конечні слухайте проґрам!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.