Обзерач Природы #4 – пятниця, 13.00 год.

Сердечні просиме слухати новый природничый проґрам на антені ЛЕМ.фм уж в найблизшу пятницю, 9. жолтня/октобра 2020 р., о год. 13.00. «Обзерач Природы» то нова пропозиция для любителів природы, лісовых звірят, вандрівок в незнане.

Четвертый одтинок авдициі буде тыкал ся того, што як раз тепер проходит в природі, а докладні золотой осени. Дознаме ся, чом так ся діє што рока, же дерева зміняют кольоры, і якы біолоґічны процесы за тото одповідают. Покля хвиля дозвалят, то корыстайме і ідме обзерати тогорічну кольорову осін. А як сте барже заінтересуваны том темом, то конечні слухайте проґрам!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.