Обзерач Природы #34 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 4. червця/юнія 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Горячо Вам остатньо? Або наоборот? Ждете і ждете на літо, котре в тым році штоси не може порядні прити, як все. В найблизшым одтинку єдиного природничого проґраму на антені Лем.фм послухаме о климаті і хвили! Хоц бесіда буде докладні тыкала ся климату Сандеччыны, то думаме, же тема і так Вас міцно заінтересує. Дознаме ся з авдициі, якій взагалі маме климат в тій части Бескідів і чым він ся характеризує. Послухаме о рекордах температур – де было найтеплійше, а де найхолоднійше, а окрем того одкрыєме таємниці, якы скрыват рытерскій вітер. Як звучыт інтересуючо, то будте конечні з нами!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.