Обзерач Природы #33 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 28. мая 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Кілько разів было так, же сме вандрували деси в горах, смотріли на дерева, прекрасну панораму з полян, зберали квіткы на вінкы, а не думали сме про ґеолоґію даного місця? Як раз в днешнім одтинку призриме ся тому, як єст збудуваный і з якых скал реґіон Сандеччыны. Дознаме ся о скомплікуваній ґеолоґічній будові терену. А тіж о тым, де находят ся в Сандецкым Бескіді і на Погірю яскыні та як мож іх експлорувати. Буде то другій одтинок з мінісериі, в котрій досліджаме Сандеччыну докладнійше і з ріжных стран. Як Вам тот реґіон тіж близкій, то конечні будте з нами о 13.00 год.!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.