Обзерач Природы #31 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 14. мая 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

В найблизшым проґрамі бесіда буде о жубрах. То найбільшы звірята, якы жыют в Европі. Жубры асоциюют ся предовшыткым з Біловежскым Лісом на граници Польщы і Білоруси, де єст іх велика популяция, але вельо люди забыват, же і Бєщадах маме своі громады тых красных створінь. Што ся в такым выпадку дознаме з 31. одтинка «Обзерача Природы»?

• Кілько жубрів жыє в Бєщадах?
• Де найскорше можеме стрітити жубры в горах?
• На што хворіют звірята і як ся тому радит?
• Ци жубры то лем самы плюсы для середовиска?

Як чуєте, же тота тема єст Вам барз близка, то конечні слухайте тот одтинок проґраму!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.