Обзерач Природы #19 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 5. лютого/фебруара 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Виділ дахто з Вас Духа Бєщадів? Як іщы ні, то конечні слухайте найблизшый одтинок «Обзерача Природы». Бесіда буде про лісового кота, дікє звіря, якє жыє в Бєщадах і інчых гірскых пасмах полудньово-східньой Польщы. Кілько іх іщы жыє в нашых горах? На што звернути увагу, жебы не взяти іх за домашні коты? Якы мают они звыкы? По якых слідах іх познаме? Што докладні ідят? О тым вшыткым, а і іщы більше, дознате ся з проґраму.

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.