Обзерач Природы #18 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 29. сiчня/януара 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Каждого рока стрічаме ся з теплійшыма зимами. Нашы загороды і рослины в них роснучы не все можут ся пристосувати до змін климату. Як ім помочы вчас теплой зимы? Того дознате ся з найновшого «Обзерача Природы». Бесіда буде про пару добрых практик, якы мож влучыти в шторічну опіку над свойом загородом. Дознаме ся, як треба окрывати рослины на зиму, чом часом треба іх підливати, ци вартат косити травник зимом та што робити, коли нагло нам дакотры рослины зачнут квитнути. Кєд сте добрыма загородниками, то слухайте конечні проґраму!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.